عائلة سورية في تركيا تناشد الحكومة لعلاج إبنتهم “حلا” والتي تعاني من مرض خطير وباتت في حالة صحية حرجة

Amani Kellawi
أخبار تركياالسوريون في تركيا
Amani Kellawi26 نوفمبر 2018آخر تحديث : الإثنين 26 نوفمبر 2018 - 8:05 مساءً
عائلة سورية في تركيا تناشد الحكومة لعلاج إبنتهم “حلا” والتي تعاني من مرض خطير وباتت في حالة صحية حرجة

تركيا بالعربي / خاص

في حالة يشوبها غصة الأب والأم تجاه طفلتهم المريضة والتي لا يجدون فيها القدرة على مد يد العون لها وهي أمام أينهم، والتي أصيبت بمرض نادر وخطير فقد ناشد مواطن سوري الحكومة التركية، مطالباً منها أن تنظر إلى إبنته بعين الرأفة وبمساعدته في علاج طفلته الصغيرة “حلا” والتي تعاني من مرض نادر وخطير.

الأب ياسر وليد القاضي أرسل رسالة تفصيلية مدعمة بالوثائق الرسمية إلى تركيا بالعربي حول حالة طفلته الصغيرة “حلا” والتي تعاني من مرض الضمور العضلي الشكوي sma والتي تفوق تكاليف علاج هذا المرض على قدرته قائلاً: (الرسالة كما وصلتنا)

أنا اسمي ياسر وليد القاضي وأسكن في ولاية بورصا بمنطقة انيغول.

بعد ما ولدت بنتي حلا بستة اشهر تقريبا لحظت انو ما عم تتحرك رحت على مشفى شوكت يولماز وعملت تحاليل كتير منهم مورثات لاطفالي التلاتة

بنتي الكبيرة ماعندها اي مشكلة

بنتي الوسطى عندها مورثات المرض

وبنتي حلا حاملة المرض بالكامل ضمور عضلي شوكي sma قالولي انو مافي علاج لها بس دعيلها قالو انو وراثة

بس انا مافي بعيلتي وبعيلة زوجتي حدا عندو هيك مرض او مماثل له وحتى صلة قرابة بيني وبين زوجتي مافي ابدا

مهم راسلت وزارة الصحة التركية عن طريق الدكتور المشرف على حلا وافقت وزارة الصحة على اربع جرعات ارسلنا الطلب للحكومة التركية لانو المبلغ كبير كتير للتكفل بالعلاج سعر الجرعة الواحدة 90 الف يورو الحكومة التركية رفضت لانو بنتي ماعندها الضمان الصحي وهي اجنبية قالولي لو طفلة تركية ممكن يتامن العلاج بس بنتي لا .

46665862 521534458359601 8925667392344817664 n - تركيا
الطفلة السورية حلا تعاني من مرض ضمور عضلي شوكي

رحت على منظمة اسام ببورصا وعطيتهم كل الاوراق والريبورات الطبية وحتى وراق الحكومة التركية بعدم الموافقة وقدرت عن طريقهم اعمل مقابلة مع الامم المتحدة باسطنبول بفندق انا وزوجتي واطفالي التلاتة ضلت المقابلة اربع ساعات تقريبا سالوني وين خدمت عسكرية وشو اتجاهاتي السياسية وكل شي عني بسوريا من يوم خلقت وبعدها قالولي منتواصل معك خلي تلفونك على الشبكة وعطوني رقم ملف بفتح عليه كل يوم من ست اشهر مابتغير شي بيكتبلي الملف فعال وكل ما بتواصل معهن برد علي الرقم الاستشاري لمفوضية الامم المتحدة وبقولو لي انو هنن مابيقدرو يدخلو بجماعة اعادة التوطين .

مهم حلا عم تكبر وتمرض اكتر من شهر مرضت كتير واخدتها على مشفى بمنطقة انيغول رفضو يعالجوها وقالولي خدها فورا على شوكت يولماز طلبت منهم ياخدوني بسيارة الاسعاف قالولي ما منقدر بدها وقت وبنتك ما بتتحمل هيك وقت .

دبرت حالي ووصلت على مشفى شوكت يولماز وهلاء هي بالعناية المركزة كل يوم بقدر شوفها 15 دقيقة يا انا يا امها .

من كم يوم عملت عمليات فتحة خارجية للبلعوم لتتنفس منها وفتحة خارجية للمعدة خرطوم لتاكل منها لانو مابقى قدرت تتنفس او تاكل وهي اصلا ماكانت تقدر تاكل غير سوائل .

46818563 521534318359615 6809453494261514240 n - تركيا
الطفلة السورية حلا تعاني من مرض ضمور عضلي شوكي

بعد العمليات عطوني وراق روح وقعن من مركز المدينة القائم مقام مارضيوا يوقعن لانو بدي ربور طبي بعشرة اختام وضمان صحي مشان يعطوني متل جهاز يلي بالعناية المشددة حطو عندي بالبيت وقالولي روح على منظمات بساعدوك بالجهاز رحت على منظمة اسام وعطيتن لوراق وشرحتلن الوضع وقالولي منتواصل معك بس يتآمن الجهاز.

وللتواصل مع والد الطفلة “حلا” يمكنكم من خلال الرقم التالي: 05378236094

أو من خلال حساب الفيسبوك التالي: أنقر هنا

46734858 521534408359606 6480237022593155072 n - تركيا
الطفلة السورية حلا تعاني من مرض ضمور عضلي شوكي
رابط مختصر

اترك تعليق

لن يتم نشر عنوان بريدك الإلكتروني.الحقول الإلزامية مشار إليها بـ *


شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.