مذيعة سورية شهيرة للاجئين السوريين: لا تبكوا على حالكم..إبكوا على حالنا داخل سوريا

تتصاعد منذ أيام موجة الاحتجاجات والشكاوى في أوساط المشاهير ومنهم فنانون وفنانات من الحال الذي وصلت إليه سوريا على كل الأصعدة المعيشية والاقتصادية والأمنية،،،فقبل يومين فقط وجهت الفنانة المعروفة شكران مرتجى رسالة مناشدة للرئيس السوري تخبره فيها بألم وحسرة عن الأوضاع المعيشية التي لم تعد تطاق في سوريا

، فالأسعار نار والأمن معدوم والحياة تحولت الى جحيم…وقد لاقت رسالة مرتجى صدى واسعاً بين السوريين مؤيدين ومعارضين وتناقلتها مواقع التواصل الاجتماعي بكثافة شديدة.

وبالأمس وجه الفنان السوري الشهير أيمن زيدان رسالة أخرى للرئيس السوري بعنوان: أعيدوا لنا كبرياءنا الذي ضاع.

وقد وصلت العدوى إلى المذيعين والمذيعات في التلفزيون السوري حيث نشرت ماجدة زنبقة المذيعة القديمة الشهيرة جدا منشوراً على فيسبوك تتمنى فيه لو أنها هجرت البلد كملايين السوريين، لأن وضعهم في الغربة افضل من وضع السوريين في الداخل. ويقول البوست حرفياً:

يلي زعلان انو طلع برا البلد … زعال علينا حبيبي لانو ما طلعنا برا البلد ..نحنا يلي اكلناها بإيدينا ورجلينا ولا تخلي حدا يقلك انو خلصت الحرب ومن هالحكي لانو هلأ بلشت الحرب.. والحرب علينا يلي ضلينا وبس ….واذا مفكر انو تحسن الوضع من لما تحررت تقريبا كل المناطق .

بحب قلك انو الوضع من سيئ الي ال أسوأ مرحلة بالتاريخ …الدولار ما نزل بالعكس طلع وحياتك ..الكهربا ما بعرف ليش حاطين وزارة اساسا …المي مرتبطة مع الكهربا …السرقة ما وقفت .

الوعود متل يلي عم يكتب علوح تلج بنص الصيف ..الاعلام اسوأ اعلام بالعالم او تاني اسوأ اعلام مشان ما اظلمن …لك شو بدي احكيلك لاحكيلك .

هي لسا ما حكيتلك انو التعامل مع المواطن اسوأ من ما كان بعد كل يلي صار …

بتمنى منك صديقي انو تعرف من لما طلعت برا هالبلد انت اخدت فرصتك فحاول استغلا وحاول اسس حياتك على انك ما بتعرفا لهالبلد وتحاول تسحب اهلك لعندك اذا ما كانوا معك اساسا ..

صدقني ما رح تندم غير انك تفوت معنا غينيس بأكتر شعب تمسحت في الأراضي وما بظن تندم على هيك شي !منقول …عن منقول ويمثلني.