سؤال وجواب 29.06.2018: أسباب توقف قيد الكملك، نقل قيود الكملك، استخراج كملك في إسطنبول

تركيا بالعربي / خاص

يرد الإعلامي علاء عثمان والمتخصص في الشؤون التركية بحلقة اليوم الجمعة 29.06.2018 من حلقات سؤال وجواب على بعض الاستفسارات التي وصلتنا عبر قناة تركيا بالعربي على يوتيوب ولعل من أهم الاستفسارات تسليم الكملك، إبطال الكملك، الفيزا الى تركيا والمزيد من المواضيع.

بداية نسرد الأسئلة كما وصلتنا وتجدون في نهايتها فيديو الأجوبة عليها:

السلام عليكم اخي انا دخلت عالرابط و الرابط فيه غلط بالبرمجة والله اعلم مثلا انا دخلت عالرابط 3 كمالك 2 مباشرتا عطاني صحيح و اظهر البيانات اما الكملك ال3 عطاني الكملك موقف و عند دققت بالبيانات الي ادخلتا عرفت السبب الي هو مكان الاسم و الكنية هنن عاملين برمجة يدخل الاسم بالاحرف الكبيرة حصرا و انا الي لاحظتو انو حرف ال i عم ينكتب بالشكل الصغير مع انو كل الاحرف كبيرة الا هالحرف وعند دخلتو يدويا بالشكل هاد ı قبل البيانات وفتح نظامي حبيت اشاركك الي صار معي بركي بتستفيد وبتفيد الناس والله يجزيك الخير سلفا على جهودك الكبيرة
—
اخي الكريم انا من سنتين صارت معي مشاجرة ودخلت ظلم وطلعت وبعد سنتين بتفاجئ انا كملكي واقف وحاولت انو اسئل عليه بقولولي ان امضوني علا امر ترحيل بس ترحيل حر وانا ما عندي علم بهشي وانا كون بعرف هيك مابمضي وسوئال اخي ازا رحت علا دائره الهجره في خطر علي انا بدي اروح من شان افعل الكملك وانا اهلي كلن معي ومالي حدا بسوريا يعني اخي ازا شرحتلن انو حالتي انسانيه مابيمشي الحال وشكرن علا جهودك
—
اخي مشان موضوع الكمليك
انا مقيم بتركيا من 4سنوات
من شي 2سنة ضيعة الكمليك وتلفون طبعا كانت الكمليك داخل جزظان التلفون
المهم التلفون تسكر
رحت ع المخفر قلولي روح انتو السورين ما حدا بيحكي معكن
رحت ع الامنيات قلو روح ع نهر لجا قدم طلب رحت قدمت الطلاب …ولهئ ما ردولي
شي طبعا انا معي صورة طبق الاصل ع الكمليك تبعي
رحت ع التجديد بهوية الصفرة
فرجوني ياها محطوط عليها اكس قال كمليك من المعبر : لحد الان بفوت عليها ع المشفى شغالي ع الحجز المعبر كمان شغالي بس مشكلة التجديد.: شو بتنصحني اعمل وانا مطر عليها ضروري.: طبعا انا مقيم بسكندرن
ارجو منك المساعدة
—
انا عم حدث لبيانات تبع لكمليك كاتبين عالورقةيلي بدي جيب عليها سند اقامةمشان كمل تحديث لبيانات اني ما بعرف اقرء واكتب. بس انا بقرء وبكتب وبحكي تركي وعربي. شو فيني ساوي مشان هي شغلة. مع العلم اني ما حسنت جيب شهادة مدرسية من سوريا
—
بدون اطالة عليكم اخي الكريم يوجد شخص لديه كملك من سنتين تقريبا فقده وتزامن هذا مع خروجه من تركيا الى اوربا والان هو مقيم بسكل نظامي في اوربا ولكن يود العودة والاستقرار في تركيا بسبب وجود عائلته هناك . الان هل لديكم معلومات ويمكن افادتنا بالتالي
اذا رجع الى تركيا عبر فيزا نظامية سياحية من اوربا هل يستطيع ان يخرج كملك ويستقر ؟ او يقدم بدل ضائع عن القديم ؟ ام هناك مشاكل ويرحلوه نرجوا تعاونكم باي خبر او معلومة لكم الشكر !
—
سلام عليكم هل تغير مواعيد العوده الي تركيا من باب السلام وصلني خبر بالتأجيل مثل الي دورو ٧/٢ اصبح دوره ٧/١٥وجزاكم الله خير ارجو الرد سريع
—
استاذي انا كملكي موقفين قيدو وانا ماني نازل ع سورية بتمنا تساعدي بحلهلموضوع انا مقيم بسطنبول
—
انا كملك تبعي وقف من شوي وقف لمدة ساعتين والتغت القيود وحتى حسابي بلبنك يلي مفعلوا ع الكملك كمان وقف وعالموقع كان يكتبلي مالي قيود
وهلأ رجعت القيود نظامية وع الموقع في قيود ورجعوا فعلوا حساب البنك
وعالاغلب في خطأ من عندن مو قصة طلعة ع سوريا
—
اريد تثبيت زواجي واخراج دفتر عائلة
انا عندي كملك نظامي 99 اسطنبول وقيد نفوس وسند اقامة
ولكن زوجتي لا تملك سوى بسبور < جواز سفر >
هل يمكنني تثبيت الزواج في مراكز النكاح سراي

وما هي الاوراق المطلوبة
وشكرا
—
اخي الكريم السلام عليكم استاذي انا اخواتي لديهم كملك و ابي متوفي الجميع يوجد معه كملك اسطنبول اخواتي واخي الكبير موجود بسطنبول ولديه كملك وانا عمري قاصر 14 سنه ويوجد دفتر عائلتي السوري معي هل يمكنني الحصول عل كملك بسطنبول واختي يوجد معها كملك وشكرا حزيلا تحياني ارجو الرد
—
لم الشمل فاتح وانا ماعم اعرف سجل دخول ولا كيف
من وقت مافتت على موقع لم الشمل العدد المطلوب 0
رجاءا ثم رجاءا
ردوا عليي
عيلتي كتير حالتها تعبانه بسوريه
—
السلام عليكم ورحمة الله اخي العزيز علاء عثمان عائلتي ذهبت إلى سورية اجازة عيد ابنتي عمرها 7 سنوات مرضت في سورية واصبح لديها جرثومة في الدم الان هيا في مشفى في سورية تل أبيض السورية أصبح لها اسبوع مريضة والعلاج بدون فائدة والتحاليل الطبية تشير إلى ارتفاع نسبة الجرثومة في مستوى الدم هل هناك طريقة ادخلها تركيا قبل موعد انتهاء الزيارة المقرر بتاريخ 14/7/2018،
—
أخي أنا معي كيملك من ولاية أورفا وزوجتي لديها اقامة سياحية ب اسطنبول و عملنا دفتر عائلة تركي ب اسطنبول
بدي أحدث البيانات و انقل الكيملك ع اسطنبول ياريت تفيدنا بطريقة حتى احسن انقل الكيملك
هنن قالولي جيب ورقة ازن سفر من اورفا و أنا مشان الضمان حجزت موعد لتحديث البيانات بأورفا بعد 3اشهر بحيث ازا ما رضيو يعطوني ازن نقل او سفر بكون حدثت الكملك عالأقل علما أنني خريج هندسة من 4سنوات و بدي سجل عالجنسية و أنا ساكن ب اسطنبول و شكرا
—
السلام عليكم ورحمة الله وبركاته

لدي استفسار وارجو الاجابة

زوجتي عمرها ١٦ سنة وتزوجت في سوريا

ومن جديد قمت بعمل تثبيت زواج بالشام عن طريق محامي والخ.. واستخرجت دفتر عائلة وبيان زواج و بيان شخصي لزوجتي لانها لا تحمل هوية وصدقتهم من الخارجية السورية

وتاكدت من كل شيء ان الامور تمام

هل الان اذا ذهبت الى بورصة لاستخراج الكملك انا وزوجتي تمشي الامور بدون مشاكل او مخالفات الخ…

خالص التحية
—
السلام عليكم انا دخلت الى تركيا منذ عام وشهرين تقريبا” مع ابن خالتي وحصلنا على بطاقة الكمليك من ولاية اسطنبول الاوربيه ومن فترة قريبة قبل عيد الفطر ب 10 ايام توفيه والد ابن خالتي الوحيد في سوريا واجبرنا على العودة الى الشمال السوري بعد ان سلمنى الكملك واننا الان في ادلب ولاكن الوضع هنا سيء للغايه ونريد تقديم طلب استرحام من اجل السماح لنا بالعودة مع ارجاع لكملك لنا ….. ولكم جزيل الشكر​

والآن نترككم مع فيديو الأجوبة ولكن قبل ذلك نأمل اشتراككم في قناة تركيا بالعربي على يوتيوب لنرد على استفساراتكم ونوافيكم بكل القرارات التركية الجديدة:

المصدر : https://arab-turkey.net/?p=59623